Nan yon kominike ministè Kilti ak Kominikasyon peyi Dayiti a sòti yè, madan Emmelie fè konnen pyès moun pa gen dwa retransmèt match koup di mond lan sou Facebook, YouTube, Instagram elatriye. Minis la fè konnen se sèlman Televizyon Nasyonal Dayiti ak lòt chèn ki gen dwa pou retransmèt match yo. Yon desizyon ki deja soulve kòlè anpil manm nan popilasyon an, fanatik yo an patikilye.
Nou dwe sonje se favè FIFA fè Ayiti pou l kapab jwenn dwa retransmisyon gran konpetisyon entènasyonal sila a. Gouvènman an pa di nonplis pou kisa yo pran yon desizyon parèy.
