Tèminal Vare a rive libere aprè 2 semèn negosiyasyon ant gouvènman Ariel Henry a ak Babekyou, chèf gang G9 an fanmi e alye a. Se doktè Harrison Ernest ki deklare sa nan mikwo CNN. Li fè konnen yon lòt bò, se pati politik li a kise Pati Konstwi Lavi ki te jwe wòl medyatè pou sa rive fèt.
Ayè jedi a, inite espesyalize nan kò Polis la ki se SWAT te mennen yon similak operasyon nan zòn Tèminal la epi anonse aprè yo pran kontwòl sitiyasyon an. N ap raple Pati Konstwi Lavi a (PKL) te rankontre ak premye minis la pou pwopoze l sa yo rele yon dokiman pou sòti nan kriz la.
