Ministè Kòmès ak Endistri nan yon kominike li rann piblik jodi madi a, anonse jou k ap 9, 10 ak 11 novanm k ap vini la yo, tout ponp yo pral resevwa gaz. E apati 12 novanm, y ap kòmanse distribiye gaz bay kliyantèl la. Enstitisyon yo, Lapolis, gwo biznis yo se yo menm k ap sèvi avan daprè minis Kòmès la ki se Ricardin St Jean.
Ministè a pa mansyone nan ki pri gaz la pral vann nan ponp yo sèlman li fè konnen tout ponp pral resevwa gaz. Depi plis pase 3 mwa, peyi a etenn akoz pwoblèm gaz la e mete sou sa anpil enstitisyon piblik kou prive kanpe sou aktivite yo. Rete pou konnen si wi ou non desizyon sa a pral kenbe.
