Ri Kazèn, ri Sen Onore, Lise Jèn fi ki gen yon kan deplase ak plizyè lòt kwen anba lavil la, Garry Conille vizite yo jounen dimanch 2 jwen an. Li pran avèk li Direktè Jeneral Lapolis la Frantz Elbé akonpanye ak yon ekip ajan espeyalize pou fè vizit sa a. Yo te anndan yon cha blennde. Se te yon vizit sipriz nouvo premye minis la fè anviwon 24è aprè li antre nan peyi a. Ta sanble se Garry Conille ki vin montre Frantz Elbé sa ki gen nan Pòtoprens.
N ap souliye Garry Conille te mete kas nan tèt li epi li te pote jile pabal. Nouvo PM nan kòmanse pran kontak ak reyalite a pou konn kisa l pral fè.
