Nan yon entèvyou li t ap bay, Pierre Bailly te site non senatè Latibonit la Gracia Delva kòm moun ki gen gwo biznis nan peyi Dominikani. Daprè Pierre Bailly, Gracia Delva gen gwo chèn otèl Sendomeng ak ponp gaz tou. Biwo senatè a demanti enfòmasyon sa yo e di li pa gen bagay sa yo ni Ayiti ni kay vwazen an. Biwo senatè di pawòl sa yo se difamasyon.
Pi lwen, chantè Mas Konpa a envite popilasyon an pou l pa pran nan voye moute sa yo k ap fèt kont li an. Pou li menm se yon mwayen y ap fè pou sal imaj li. Gracia Delva di pou li menm pawòl Pierre Bailly ap pale yo, li pa okouran de bagay konsa.
