Fineray Éric Élias Diogène, alyas Ricot, ajan sekirite ansyen senatè depatman Latibonit la, Youri Latortue, chante ayè madi 27 oktòb la, nan legliz « Sacré-Cœur » nan Tijo.
Nan okazyon an, plizyè dirijan nan sektè opozisyon an te reponn prezan nan lide pou yo te rann yon dènye omaj avèk Éric Élias Diogène. « Pandan nou vin sipòte ansyen senatè a epi voye senpati nou bay fanmi ajan sekirite a, n ap mande jistis pou Éric Élias Diogène », se deklarasyon Pierre Espérance, Direktè RNDDH la, ki te pwofite okazyon an pou kritike konpòtman monfouben otorite yo ki nan tèt leta a fas avèk lavi sitwayen yo.
N ap raple Ricot te tonbe anba bal asasen nan dat lendi 12 oktòb pase a nan Dèlma 64, nan lokal biwo ansyen senatè Youri Latortue.
Wilner Jean
