Jack Teixeira gen 21 lane sèlman. L ap travay nan Gad nasyonal aeryèn, lapolis nan Nòdès Etazini arete l jodi jedi 13 avril 2023 a nan yon ti vil ki rele Dighton nan Sid Boston. Rezon an se paske yo sispèk se Jack k ap mete yon seri dosye sansib peyi a nan lari, sa ki kapab menase sekirite Etazini selon responsab Jidisyè yo. Gen nan dokiman sa yo ki gen pou wè ak gè Ikrèn nan.
Jack gen pou l parèt devan lajistis nan Massachusetts avan lontan, daprè minis Jistis ameriken an, Merrick Garland. Dosye sansib sa yo ki pran lari a ta kapab menase jis nan fon, sekirite entèn peyi a, daprè otorite yo.
