Danaïca pat ansent daprè sa frè l yo di paske yo te jwenn li te gentan pipi, aprè tès, yo wè l pat ansent. Nan konvèzasyon yo jwenn sou telefòn li tou, li pa pwouve l te gen kont ak moun nonplis. Danaïca pann tèt li ak yon mouchwa men avan l te eseye yon sentiwon, li te kase. “Nou pa akize pyès moun nan lanmò sè nou an, sèlman nou mande moun k ap kritike l yo, kite l repoze an pè”, sa se pawòl 2 frè defen an.
Fanmi Danaïca Duplan mande moun ki sou rezo yo si yo paka di byen pa di mal paske yo pat janm swete sa pou sè yo a. Youn nan frè l yo fè konnen yo p ap pataje foto ak mesaj detrès li te mete sou Whatsapp li yo pandan yo konseye tout moun pou yo pa mete fen ak lavi yo menm ak sè yo a, menmsi sa ta difisil pou yo.
