Tanbourinè epi animatè “Oh Yes Show” a, Jimmy Cimas tout moun konnen sou non Jimmy Danger, antere jounen vandredi 12 oktòb sa a an Repiblik Dominikèn. Se nan ponp finèb Funeraria Blandino, nan vil Santiago fineray la dewoule. Pyès moun pat otorize pran foto anndan an, sèlman foto Rock Star te afiche nan ekran ki te anndan an e li te sou lis antèman sou sit entènèt ponp finèb la.
Pou fini nèt ak Jimmy Danger, fanmi l anonse yon fineray senbolik pou li nan Legliz Sen Pyè nan Petyonvil. Se demen samdi 21 oktòb la mès requiem sa a ap chante yon fason pou fanmi ki pa la yo ka gentan rive daprè frè defen an ki se Cedrick Cimas ak ansyen antrenè foutbòl li ki se pwòch fanmi an tou ki rele Hébert Lucien.
