Aprè Larisi fin atake Ikrèn jedi 24 fevrye pase a, Etazini vle mete tout pwa l nan balans lan, pou l ka izole Larisi. Nan sans sa, plizyè wo grade nan Depatman Deta ak Mezon Blanch fè yon vizit nan Karakas. Objektif vizit sa se pou kapab ranplase gaz Etazini konn achte nan men Larisi ak gaz li te sispann achte nan men Venezyela.
Etazini ki vle Izole Larisi avèk anpil sanksyon li pran kont li, deside chita pale ak youn nan alye peyi Vladimir Poutine. Washington nan lanne 2019 te pran gwo sanksyon kont Karakas pou fòse Maduro kite pouvwa a, epi enpoze Juan Guaido kòm Prezidan.
N ap raple avan vizit sa nan Karakas, vandredi 4 mas la, nan yon deklarasyon, Mezon Blanch te di l ap gade kijan li ka redwi enpòtasyon gaz ris yo aprè envazyon nan peyi Ikrèn, san yo pa fè mal ak konsomatè yo.
