Moun ki sible yo se pworiyetè avyon, kad, wo fonksyonè konpayi vòl chatè yo ak lòt ankò ki pran plezi òganize vwayaj ilegal pou mennen moun Etazini. Se jounen mèkredi 21 fevriye a depatman d Eta ameriken anonse nouvèl mezi restriksyon viza sa a pa rapò ak seksyon 212 (a) (3) (C) lwa sou imigrasyon ak nasyonalite (INA). Dezisyon sa a vin ranfòse epi ranplase sa ki te deja pran nan mwa novanm 2023 a.
Anbasad la di lè migran yo vwayaje ilegal konsa a, non sèlman yo peye gwo lajan men yo pase anpil mizè tou ak tout fanmi yo.
