Daprè Matthew Miller, pòt pawòl Depatman d Eta ameriken, Guy Philippe p ap ka fè pati konsèy prezidansyèl tranzisyon an. Daprè pòt pawòl la ki te nan mikwo VOA kreyòl, ansyen senatè eli Grandans lan pa reponn ak kritè ki etabli pou yon moun vin manm konsèy sa a. Tout moun ki te akize oubyen enkilpe e menm kondane pou krim devan lajistis, p ap ka chèf nan nouvo gouvènman sa a ki pral monte a.
Matthew Miller ajoute pou l di pati politik yo dwe degaje yo kou mèt Janjak pou nome manm konsèy prezidansyèl la nan 24 a 48è aprè pou yo ka vanse sou chwa yon premye minis.
