Nan yon mesaj Anbasad Amerikèn pataje pa email bay sitwayen ameriken yo, li mande yo pou yo pa vwayaje ale Ayiti. Anplis, li mande tout sitwayen ameriken k ap viv sou tè Dayiti li ta pi bon pou yo retounen lakay yo paske yo pa an mezi ba yo sekirite akoz PNH la fayi ak misyon l. Anbasad la mande tout sitwayen ameriken yo pou yo trè pridan epi evite kote ki gen foul paske sikirite peyi a pa sou kontwòl.
Si nou rankontre ak yon barikad pandan nou ta ap sòti sou yon wout, kase tèt retounen e ale nan yon zòn kote nou ka abrite nou, toujou anbasad la k ap pale. Li mande yo pou yo prepare bon jan plan pou yo kapab al abrite yo an ka bezwen nan Ayewopò a pou fasilite vwayaj yo. Etazini sansib pou enterè li.
