Daprè enfòmasyon ki disponib yo, aprè lèt gouvènman an te ekri pou mande entènasyonal la vin ede l rezoud ensekirite a, peyi Kanada ak Etazini ta 2 premye peyi ki pare pou fè deplòtonnen twoup yo nan peyi a. Nouvèl la sòti nan yon medya ayisyen ki trè prezan sou rezo yo. Touswit aprè piblikasyon arete a nan Monitè, zèl kat sanble kòmanse file.
Alòske peyi Kanada gen gwo babako lajan nan men l pou voye materyèl pou PNH la konbat gang yo, sa pa anpeche l mete l disponib deja pou vin bay kout men. Pandan tan sa a, anpil sektè nan peyi a ap fwote men yo pou konnen ki repons yo dwe bay ak yon nouvo entèvansyon militè sou Ayiti k ap monte yon mòn pa do.
