Malgre machin li te blennde nan nivo 4 daprè sa fanmi Eric Jean-Baptiste rapòte, sa pa anpeche bandi yo asasinen l. Machin Sekretè Jeneral RDNP a resevwa anpil katouch e se zam gwo kalib ki pèse kò machin nan. Li jwenn lanmò l kèk jou aprè li te fin poze kesyon sou kiyès ki pral sibi atak aprè sa yo te fè sou jounalis Roberson Alphonse lan madi pase a.
Éric Jean-Baptiste se te youn nan moun ki t ap lite anpil pou zafè Dwa Moun ak sekirite. Kòm envestisè, li te patisipe nan a anpil pwogram sosyal ak politik atravè peyi a. Sa se yon gwo pèt pou peyi a.
