Nan yon sikilè ki pote sinyati 7 direktè sèvis nan bwat la ak direktè jeneral la Jean Errold Morose, yo fè konnen yo pral revoke 60% moun k ap travay sou kontra nan EDH. Daprè sa yo fè konnen, se sèl mwayen k ap pèmèt yo redemare sèvis yo yon mannyè pou yo kapab satisfè kliyan yo paske y ap travèse yon grav kriz ekonomik. Gen anplwaye ki gen 6 mwa depi yo pa touche nan EDH.
Tout kontra antrepriz la te genyen tou ak yon seri konsiltan, yo koupe yo deja depi 30 avril 2023. Diferan Direksyon yo gen jiska 13 me pou yo remèt lis kontraktyèl y ap kenbe yo.
