“Rezon ki fè mwen pa siyen desizyon rès manm Konsèy Prezidansyèl la pran yo se paske m konnen sa kapab lage peyi a nan plis pwoblèm sou plan politik e tranzisyon an kapab pwolonje”, se youn nan deklarasyon Edgard Leblanc Fils fè sou TNH nan lannwit dimanch 6 oktòb la. Towo a di depi lè eskandal kòripsyon sa a te deklanntche a, li te mande Augustin, Vertilaire ak Gilles pou yo tchoula kò yo annatandan ULCC sòti rapò li men yo pat tande.
Nan vwa Edgard Leblanc Fils pandan l t ap pale a, gen anpil santiman detrès ak regrè ki petèt montre li pa dakò ak desizyon 6 lòt Konseye yo pran an.
