Yon avyon Lame Dominikèn vole sou tèt kanal ayisyen ap konstwi pou wouze Plèn nan Nòdès pou yo ka fè manje. Daprè Pastè Moïse ki se prezidan komite kanal la avyon sa a se pwazon li ta vin lage nan jaden peyizan yo nan Wanament. Avyon sa a, daprè yon medya dominiken se yon Tecnam P2006T SMP ki fèt pou misyon rekonesans ak siveyans, li gen 2 motè Rotax 912 ak anpil lòt bagay ki trè sofistike.
Jiskaprezan, pa gen pèsonn ki ka di poukisa avyon sa a te vole sou tèt kanal la ak jaden peyizan yo kote yo t ap sipèvize e ki vrè misyon li te genyen.
