Gwo bra nan Pòtoprens ap fè kou yo konnen la a pou yo wè si y a revoke Lesly Théogène, Direktè Depatmantal Ministè Kòmès ak Endistri pou depatman Nòdès. Yo konvoke l jodi a nan vil Okap e daprè sa nou aprann, yo ta menm bezwen revoke l poutèt yo sispèk li ta nan tèt mouvman fèmen fwontyè a epi bloke machandiz k ap antre nan kontrebann yo.
Popilasyon an deja okouran de konplo sa a k ap manniganse a. Aksyon sa a parèt klè pou tout moun ke gen yon gwoup enterè yo menase, ki ta renmen vye bagay pouri janbe fwontyè a pou antre Ayiti. Moun Nòdès dwe veye anwo, veye anba.
