Sanble se sèlman pou politisyen k ap kraze peyi a lanmò pa alamòd, aprè sa tout moun ki pa gen anyen pou wè ak chema ki trase pou kraze Ayiti a, se yo k ap viktim. Pwofesè, jounalis serye yo, biznismann, elèv lekòl, etidyan, medsen, ti machann, chany, chofè taksi elatriye, yo tout nan plan eliminasyon Viv Ansanm nan. Pandan gwo zouzoun yo ap dodomeya nan lajan sal ak pouvwa, karavàn lanmò a ap mache keyi pitit malere nan lari a tou vèt.
Yon sèl bagay ki posib, se tout mas popilè a ki pou fè yon pote boure epi pase trè sou modèl dirijan sanginè sa yo an Ayiti.
