Nan yon videyo k ap sikile sou rezo yo, tout moun konstate kouman zago loray nan peyi sa a ap maltrete yon fanm ki rele Sandrine Lalane Laguerre. Sanzave yo maltrete dam nan, yo joure l mete sou li. Yo te kidnape l Pòtay Leyogàn, li se moun Fontamara. Yo mare malerèz la 2 bra dèyè e malgre l ap rele yo « papa », yo salanbe l anba kou. Kote Ministè Fanm?
Bandi sa yo ki jwenn pwoteksyon gouvènman ayisyen an ak sektè ekonomik la bliye si se nan vant yon fanm yo sòti. Videyo sa a sifi pou l ta egzije Frantz Elbé demisyon si l te gen ti moso moun nan li toujou.
