Ansyen premye minis Claude Joseph, chèf gang Barbecue, Lanmò San jou, Ti lapli, Izo, Vithelome, Ti Gabriyèl, Pè Lebren, elatriye se kèk pami 12 ayisyen gouvenman dominiken sanksyone. Se nan yon dekrè prezidan an rann piblik mèkredi 7 septanm 2022 a li pran desizyon sa a. Claude Joseph sou lis la akoz dènye deklarasyon ki te fè semèn pase a pou di jou l vin prezidan Ayiti, pèp ayisyen an p ap tounen dèyè kay Sendomeng.
Gen yon vrè batay diplomatik ki lanse ant ansyen premye minis la ak Sendomeng depi kèk tan. N ap raple, nan mwa jwen 2022 a, Claude Joseph te trete Luiz Abinader Ipokrit. Nan yon tweet, Claude Joseph di sa pa enkyete l, li pran sa nan non Desalin ak Kristòf.
