Yon etid ki fèt sou ane 2017-2018 ak 2020-2021 montre kantite etidyan ayisyen ki Sendomeng te ogmante de 37,11%, daprè Ministè Edikasyon Repiblik Dominikèn. MINERD te anrejistre nan peryòd sa a 76 598 elèv ki te nan nivo primè ak segondè. Anviwon 3 lane pita, 105 021 aprenan ayisyen enskri nan lekòl lakay vwazen toujou daprè done MINERD la. Nan inivèsite piblik ak prive yo, kantite etidyan yo vale tèren seryezman dènye ane sa yo.
Ankèt Nasyonal Imigrasyon (ENI), nan yon dezyèm ankèt di ayisyen yo reprezante 87,2% swa 497 825 imigran ayisyen ki nan plizyè sektè aktivite nan peyi yo a. Chif yo plis ogmante nan sektè piblik Repiblik Dominikèn, daprè anketè sila yo.
