Nan lannwit dimanch 12 pou bout lendi 13 novanm 2023 sa a, chèf bandi Andris Isca, gwo poto mitan G9 an Fanmi e alye ki t ap opere nan Belekou, komin Site Solèy vale dlo bouch li. Gen plizyè vèsyon k ap sikile otou de lanmò kriminèl sa a. Si yon bò yo pale de zam li ki tire l pandan l t ap dòmi, gen lòt enfòmasyon ki fè kwè Iska touye tèt li aprè yon malèz.
N ap raple Andris Isca se te yon pwofesè matematik ak fizik anndan site e pandan l te konn ap simen latwoublay, li te toujou di se sosyal l ap fè. Yon grenn an mwens pou peyi a.
