Daprè yon ekriven ameriken ki se yon chèchè tou ki rele Jake Johnston, chak ofisye kenyan ki deplwaye nan peyi d Ayiti pral resevwa ant 1100 pou rive 1500 dola ameriken chak mwa pandan y ap toujou resevwa salè yo konn touche nan peyi yo. Se yon polisye kenyan ki bay ekriven ameriken an enfòmasyon sa a. Nou konnen deja se 600 milyon dola vèt bidjè a ye pou Misyon Miltinasyonal sa a nan peyi d Ayiti.
Nou ka gentan imajine kantite lajan ki pral depanse chak mwa pou peye ofisye etranje yo sèlman k ap depase 2500, san konte lòt avantaj yo pral benefisye nan peyi d Ayiti. Konbyen kòb yon polisye ayisyen ap touche?
