Plis pase 20 prezime bandi pami yo fanm vale dlo bouch yo, plizyè lòt jwenn arestasyon yo ak 3 moun ki te nan baz la yo te kidnape libere. Se nouvo komisè Gouvènman Okoto a, Wadson Azor ki mennen gwo bout tonton operasyon sa a byen bonè maten dimanch 10 desanm nan, nan tèt kole ak popilasyon sivil la. Popilasyon divès komin nan limit sa yo te move kou kong devan divès komisarya ak manchèt yo nan men yo.
Daprè enfòmasyon nou jwenn, se tout gang nan yo rive depatcha. Se yon gwoup nèg ki t ap simen latwoublay nan mitan abitan Okoto ak Tibiwon yo.
