Jan sa te anonse 16 fevriye pase a nan bouch premye minis kanadyen an Justin Trudeau pandan l te an vizit Bahamas, bato militè yo nan dlo Ayiti yo vrèman. NCSM Glace Bay ak Moncton, se non 2 bato militè sa yo k ap paweze nan lanmè Ayiti daprè sa minis defans kanadyen an ki se Anita Anand fè konnen nan yon tweet jedi 2 mas 2023 a.
Bato sa yo ap gen pou pran enfòmasyon epi rete an prezans sou kot peyi d Ayiti yo. N ap raple pandan bato yo sou lanmè a, bandi G9 yo ap mete moun Kriswa ak Nazon deyò lakay yo anba katouch.
