Nan kad 13e edisyon somè entènasyonal sou finans, Gouvènè Bank Santral peyi d Ayiti, Jean Baden Dubois deklare san kè sote sistèm finansye peyi a anfòm, tout Bank yo gen likid, kredi yo ogmante. Pou Baden Dubois, bagay yo ale pi wo ke minimòm Bank Santral te mande a. Gouvènè a sanble pa okouran si pou gen yon dola ameriken se 170 goud pou genyen.
Jean Baden Dubois fè deklarasyon sa a nan yon moman kote lajan paka sikile nan peyi a, si yon moun ale labank, se nan fòse pou yo ba w 100 dola ameriken, san konte lavi chè a k ap grenpe pi rèd.
