Nan komin Kabarè espesyalman nan seksyon kominal Sous Matla, nèg ak zam simen katouch sou abitan nan zòn sa a nan lannwit 29 novanm 2022 a. Aprè atak sa a, daprè moun nan zòn nan, anviwon 15 moun pèdi lavi yo e anpil landan yo pase anba flanm dife mete sou sa, pou piti 10 kay boule. Popilasyon an lonje dwèt sou yon baz Izo enstale nan zòn sa a pou agrandi tèritwa li yo.
Se yon masak ki grav anpil e imaj yo bay anpil tèt fè mal. Depi aprè Izo fin fè lyezon ak gang Kanaran an, se dlo ase y ap mete nan je popilasyon sivil la. Jiskaprezan, Lapolis poko ka mete fen nan aksyon bandi yo.
