Nèg ak zam tire yon jenn gason sou Bwavèna nan lannwit jedi 28 janvye a. Daprè moun ki abite nan zòn nan , jenn gason sa te sou yon moto, bandi yo mande l moto a li pa t vle bay li, yo tire l.
Haïti News pa an mezi revele idantite jenn gason sa. Tout 9 è maten an li te atè nan solèy la ak yon dra blan sou li, annatandan jij de pè vin fè konsta legal yo.
Kidnapin, asasinay, 2 pratik move gou ki rantre nan kotidyen pèp Ayisyen an, pandan anpil moun ap plenyen paske yo pa santi leta motive pou mete fen nan move pratik sa yo.
Jeff Jean Joseph
