Nan blòk ri Dèkazèn, anba lavil la, 3 anplwaye Meri Pòtoprens sòti blese anba bal pandan yo t ap rann yo nan zòn BRH daprè sa nou aprann. Sa pase nan mitan jounen mèkredi 29 me a. Pami blese yo ki te nan yon machin Meri a, gen madan Volmar ki se chèf sèvis vwari a. Yon sitiyasyon anpil anplwaye denonse pandan yo mande Lapolis pran responsablite l pou ba yo sekirite pandan y ap fè netwayaj lavil la.
Pòtoprens toujou an mal makak malgre ti vire tounen k ap fèt yo. Tout moun ka viktim nenpòt kilè paske Viv Ansanm pa deside kite kapital la nan lapè.
