Kat moun mouri pami yo 2 polisye aprè midi madi 10 janvye a nan Kafou Fèy egzateman nan kafou Legliz Wesleyenne ak Avni Maglwa Anbwaz. Se nèg ak zam ki touye moun sa yo daprè enfòmasyon nou rive jwenn. Idantite moun sa yo pako revele men gen yon biznismann pami viktim yo. 2 polisye yo t ap met kontwòl sou yon machin sispèk e yo te sou yon motosiklèt.
Daprè enfòmasyon moun ki nan zòn nan bay laprès, biznismann nan gen yon ti non jwèt ki rele “Parteur”. Yon lòt kou di pou peyi a ankò alòske yon ane sou 10 grenn jou depi l demare.
