Bandi ak zam kidnape byen bonè maten an doktè Hans David Thélémaque, nan zòn channmas pandan li t’ap achte yon manje. Doktè Thélémaque se entènis nan lopital inivèsite leta Dayiti.
Daprè konfrè li yo, ravisè yo pran doktè Thélémaque sou yon machin ki pa pou li, ki se machin fanmi l. Ravisè yo poko negosye ak fanmi an, men deja menase yo pou di lavi ou lanmò, daprè yon medsen entènis.
Ka kidnapin sa vin ajoute sou plizyè lòt ka ki te deja anrejistre nan zòn metropolitèn pòtoprens lan. Mèkredi ak jedi swa, 2 ka kidnapin te deja fèt nan Riyèl Vag, kote jiska prezan moun ki sibi zak sa yo nan men ravisè yo.
Kominote inivesitè a mande liberasyon prese prese Dr Thélémaque, ki la pou ede chak grenn moun, ki la pou sove vi andedan peyi a.
Konsèy siperyè pouvwa polis nasyonal la ta dwe aji prese prese pou mete fren ak zak malonèt sa yo. Chak kidnapin ki fèt se yon fanmi ki vin pi pòv.
Jeff Jean Joseph
