Nan lannwit 18 pou bout 19 jwen 2023, bandi Kanaran yo antre nan yon lopital Bon Repo a ki rele “Hôpital Dr Zila Arns” yo kidnape 6 ajan sekirite, yo pote ale 6 zam ki repati an 3 revòlvè kalib 38 e 2 fizi 12. Plizyè machin, pano solè, yon jeneratris ak anpil lòt materyèl enpòtan anndan lopital sa a disparèt. Malfra yo menm abiye ak blouz medsen yo nan zòn nan.
Bandi ki anlve yo, se gwo babako lajan pwòch yo bay pou yo ka libere yo. Jiska yè samdi a, nèg yo toujou nan zòn nan ap flannen ak blouz medsen yo sou yo, lapolis absan.
