Francklin Tamar, animatè emisyon “konpa konpa” ak “samedi culture” sou antèn radyo Solidarite viktim de plizyè bal moun yo pa rive idantifye. Dram sa a pase nan kè kapital la dimanch 18 desanm nan nan aswè. Jij de pè ale sou plas pou fè konsta legal yo e bay lòd pou leve kò a. Yon lòt kou di pou laprès an Ayiti.
Bandi yo pa chome e se chak jou ki pase y ap vin pi mechan. Francklin pèdi lavi l devan lakay li e si lajistis te solid isit nan peyi Dayiti, animatè kiltirèl la ta dwe gen revelasyon ki fèt sou lanmò l pou n konn vrè rezon asasina li a.
