Nèg ak zam moute Fòjak sou yon machin lapolis, gen ladan yo ki abiye ak inifòm Lapolis sou yo tou epi simen bal sou 4 jenn gason nan lokalite Nikolo, nan Fòjak devan lakay yo jedi 23 fevriye a nan aprè midi. Pami yo gen 3 ki se manm yon sèl fanmi. Non yo se se Nadal, Peterson ak Patrick. Bandi yo fin fè masak la epi yo vire yo ale san kè sote. Fòjak lage 2 bra pandje san okenn rekou menm jan ak anpil lòt kote nan peyi a.
Se pa jodi a kominote sa a gen menas sou li e tout otorite nan komin nan konn sa. N ap raple mesye yo te anonse y ap fè san koule Fòjak wè pa wè.
