Yon lòt ka kidnapin vin alonje pi plis lis moun k ap sibi zak malonèt sila anndan peyi a. Plizyè nèg ak zam kidnape epi sekestre pastè Garry ak 2 lòt jèn ki te avèl jou ki te samdi 28 novanm 2020 an daprè enfòmasyon ki rive jwenn Haïti News.
Ravisè yo mande 100 000 dola ameriken pou libere pastè a ak 2 jèn sa yo, kote youn ladan yo se pitit pastè a.
Pami pil ka kidnapin ki anrejistre semenn pase yo, sèlman Doktè Hans David Thélémaque ki rive jwenn liberasyon l ayè dimanch byen ta, aprè anpil medsen ak etidyan fakilte medsin te foule beton an pou ekzije liberasyon l.
Jeff Jean Joseph
