Bandi ak zam kidnape Emile Manigat Jr., pitit Emile Manigat, nan lannwit mèkredi 25 novanm nan, devan lakay li, nan riyèl Vag, Pòtoprens.
Emile Manigat Jr. t’ap sot travay, malerezman pandan l rive devan lakay li, li ta pral sibi zak kidnapin. Depi jou sa bandi yo sekestre l epi poko janm fè fanmi an siy pou konnen kisa pou yo fè.
Yon sitiyasyon ki mete fanmi an sou anpil chòk, paske yo poko konnen ki sa pou yo fè fas a sitiyasyon sa.
Depi kèk mwa, ka kidnapin yo pa sispann miltipliye anndan kapital la, yon sitiyasyon malouk ki rann plis moun vin pi pòv paske majorite nan yo, oblije vann sa yo genyen kòm byen materyèl pou peye ranson.
Jeff Jean Joseph
