Akoz tansyon k ap grandi ant 2 peyi yo, yon kad nan Federasyon Ayisyèn Foutbòl la fè konnen seleksyon ayisyèn yo p ap resevwa match kay vwazen ankò. Se kotidyen “Le Nouvelliste” ki pataje enfòmasyon sa a. Jiskaprezan CONCACAF ap fè presyon sou Federasyon an pou yo jwenn yon lòt peyi pou resevwa match yo, anyen poko di.
Yon wont anplis pou peyi a kote plizyè milya dola lajan Petwo Karibe gagote, menm yon bon estad peyi a pa genyen. “Sylvio Cator” ki t ap debat ensekirite ak fason l vin kraze a lakoz Ayiti paka resevwa match ladan l.
