Luis Abinader ap ofisyèlman enstale pou dezyèm manda li nan tèt Repiblik Dominikèn vandredi 16 dawout k ap vini la a. Yo voye envite Konsèy Prezidansyèl la men pa gen moun ki prale. Rezon an se paske Sendomeng fèmen liy ayeryèn li ak Ayiti depi pliske 6 mwa e pou Edgard Leblanc Fils ta ale, fòk li ta pran avyon pou l fè eskal nan yon lòt peyi avan li rive Sendomeng. Poutèt sa, Ayiti p ap gen reprezantan nan seremoni sila a.
N ap raple sa pa gen lontan depi Luis Abinader te eli pou yon dezyèm manda prezidansyèl nan peyi l e malgre tout kout pye y ap bay Ayiti, yo tante envite l kanmenm nan seremoni envestiti a.
