Nan menm konferans Ministè Sante Piblik bay ayè dimanch lan sou zafè Kolera a, si minis Alex Larsène pale de yon ka lanmò, direktè jeneral la ki se doktè Lauré Adrien di se 8 moun ki gentan mouri yon sèl kote nouvèl la tonbe a, ki sòti nan maladi kolera. Yon chif ki pibliye nan anpil medya men ki trennen dout dèyè l paske gouvènman sa a toujou ap chache koz pou reparèt tèt li.
Nan menm jounen dimanch 2 oktòb la, Nasyon Zini gentan pwomèt èd yo ak Ayiti. Sa ki ta vle fè kwè yo sansib pou viktim yo. Pandan gouvènman an ka tou itilize sa kòm pretèks pou detounen atansyon popilasyon an, ann raple se sòlda Nepalè anndan atravè MINUSTHA ki te pote vye maladi sa a an Ayiti.
