Komisè gouvènman tribinal premyè enstans Pòtoprens lan, Me. Gabriel Ducamel, mande Dr Armal Demorcy, direktè Enstiti Mediko-legal la, pou l fè otopsi kadav etidyan Grégory St-Hilaire ki mouri, nan lakou Lekòl Nòmal Siperyè, anba bal ajan Inite sekirite jeneral Palè nasyonal (USGPN).
Chèf Pakè a ki pa detaye okenn rezon pou sa, mande Dr Demorcy pou l fè ekstrasyon tout pwojektil li jwenn nan kò kadav la.
Si pou opinyon piblik la, Me Ducamel Gabriel deresponsabilize l sou dosye asasina etidyan an paske l te ekri responsab Direksyon santral Polis jidisyè a (DCPJ) pou l mennen ankèt li sou sikonstans zak asasina Grégory St-Hilaire a, chèf a pwomèt l ap mete men nan kòlèt ajan USGPN nan.
Wilner Jean
