Daprè premye minis la, gen 12 peyi ki deja pare ap tann pou debake nan peyi d Ayiti ak fòs miltinasyonal la. Anplis de sa, premye minis la di li swete Konsèy Sekirite Nasyon Zini an valide fòs sa a semèn k ap vini an. E sou dosye kanal la, Ariel Henry fè konnen Ayiti granmoun tèt li, kanal la dwe kontinye konstwi nan enterè pèp ayisyen an.
Te gen plizyè dizèn moun ki t al rankontre Ariel Henry nan Ayewopò a kote yo chak te gen revandikasyon pa yo. Se te yon premye minis rasiran, ki parèt tankou yon moun ki debake ak yon bon bagay.
