“Mwen pa vin la a pou m pran dikte nan pèsonn, pa gen pyès lòt akò k ap vin pran nesans isit la”, se konsa Ariel Henry te pale ak rès ayisyen ki te la nan reyinyon an. Yon ti tan aprè, Ariel Henry sòti kite sal la alòske rès aktè yo te fenk kòmanse pale. Li pa rete tande anyen nan pwopozisyon yo t ap fè yo. Pou li menm se eleksyon ki dwe fèt wè pa wè.
Ariel Henry pa tande l pa wè se pouvwa l ki entèrese l. Malgre se nan yon peyi etranje mesye dam yo t al diskite sou kriz politik la, sa pa anpeche yo reyaji tankou lè yo konn ap goumen isit la. Yon lòt desepsyon ankò pou Ayiti.
