Si yon moun swiv byen, entèvansyon Ariel la montre aklè nan ki nivo li minimize sa k ap pase nan peyi a. Li voye gwo kout chapo pou Lapolis li di k ap fè yon gwo travay pandan l pwomèt pou l kontinye ba yo mwayen pou yo fonksyone. Nan sans sa a, doktè a ki kidnape peyi d Ayiti montre li satisfè pou jan Lapolis kraze brize manifestan yo pou jan yo asasinen ajan BSAP yo. Diskou sa a se prèv ke Lapolis anba kontwòl Ariel tout bon vre.
Nan diskou vwale sa a, Ariel fè santi pa gen anyen k ap kapab retire l nan tèt peyi a. Diskou sa a te pwononse nan moman kote tout moun t ap dòmi paske l te deja minwi.
