Eric Stromayer ki se chaje dafè ameriken an nan peyi Dayiti deklare peyi l gen yon dokiman ki byen chapante ak bon jan prèv ki ka jistifye sanksyon yo pran kont Youri Latortue ak Joseph Lambert a. Diplomat la ale pi lwen pou di nan jou k ap vini la yo, y ap gen pou pibliye lòt non ankò. Otorite jidisyè nan peyi Etazini sanble pa vin pou lapè menm nan zafè sanksyon kont chèf gang yo an Ayiti ak moun yo konnen ki nan konfyolo avèk yo.
Ansyen senatè ak lidè AAA a Youri Latortue ak aktyèl prezidan Sena ayisyen an Joseph Lambert,n ap raple, gen non yo site nan dosye dwòg tou, daprè ministè jistis kay Tonton Sam.
