Nan yon nòt pou laprès nan dat 3 fevriye a, direktè jeneral a.i Polis nasyonal Dayiti a (PNH) fè konnen anpil polisye lage kò yo nan fè zak banditis sou enfliyans politik.

Polisye sa yo ap poze divès zak k ap sal imaj PNH la alòske tout ta dwe swiv ekzanp  »Wo kòmandman » enstitisyon polisyè a bay, daprè Léon Charles.

Nimewo 1 lapolis la denonse kèk deriv  »polisye rebèl » yo poze pandan dènye jou sa yo, tankou 4 polisye yo te arete nan Miragwàn yo nan dosye arestasyon Nenel Cassy a, yo te abò yon veyikil san plak ak gwo zam lou; yon lòt gwoup polisye te kreye panik sou Channmas la ak zam yo pandan yon pakou kanavalès, san konte plizyè lòt ta enplike nan mete dife nan kèk  »stand » nan vil jakmel.

DG Léon deklare pèsòn pap enpoze ni vyolans ni lwa yo sou lapolis la ak popilasyon an. Wo kòmandman PNH la ap aji ak fòs kont polisye sa yo ki panse yo kapab destabilize lapolis la.

Pooshy Rosana