Lis la pa ko definitif puiske gouvènman ayisyen an ak BINUH poko voye lis pa yo a ale. Men gen 16 ofisyèl ayisyen viza yo gentan revoke, selon sa Emisè adjwen ameriken an Brian Nichols di. Pami yo gen 2 minis an fonksyon sou Ariel Henry, yon senatè an fonksyon, 3 ansyen depite ak 2 ansyen senatè. Gen moun nan sektè prive a tou.
Anpil moun ap file zèl kat pa yo, y ap site non pa yo men jiskaprezan, poko gen non ki revele nan moun sa yo. Èske se meyè sanksyon gouvènman ameriken an ka pran kont chèf nan peyi a ki gen rapò ak gang? Antouka revoke viza a pa sifi daprè kèk obsèvatè.
