Plizyè moun pran bal nan manifestasyon popilasyon an batize “BWA KALE” a. Nan komin Kafou, Lapolis ouvè bal reyèl sou manifestan yo pandan y ap pase devan makèt Réginald Boulos la ki se yon zòn lapolis entèdi manifestan yo pase daprè temwayaj yon youn ladan yo sou yon medya an liy nan kapital la.
Anpil nan moun ki t ap manifeste yo t ap fè sa san kas, san yo pa atake anyen pandan PNH la ap simen bal, gaz ak kout baton sou yo, daprè sa anpil nan manifestan ki viktim yo rapòte. Antouka, popilasyon an nan 4 kwen peyi a fè konnen y ap batay jiskaske yo jwenn bout gouvènman sila a.
