3 jij, 2 pwokirè ak tout yon militè anba kòd nan peyi Venezyela. Mesye sa yo arete ayè samdi 23 novanm nan e chèf akizasyon yo se konplo kont gouvènman Nicolas Maduro a. Daprè minis Enteryè peyi sa a ki se Diosdado Cabello, wo grade sa yo gen bon jan relasyon ak chèf opozisyon an, María Corina Machado ki apenn lanse manifestasyon pou 1e desanm k ap vini la a kont chèf Leta a.
Reyeleksyon Maduro nan tèt peyi Venezyela nan mwa jiyè 2024 la deja lakoz 28 moun mouri e gen 2 400 lòt ki anba kòd daprè laprès entènasyonal.
